Friday, May 18, 2007

قصة الشاب الفرنسي


ترددت كثيرا قبل أن أكتب هذا الموضوع
لعلمي بما سينتج عنه
لكني اليوم تلقيت هدية أسعدتني كثيرا فقررت أن أتحدث
منذ فترة قام بإضافتي ايميل لا أعرفه
وكعادتي لابد أن أتأكد ممن يحدثني ويقوم بإضافتي
انتظرت حتى أصبح متصلا وسألته من يكون
فوجئت بدفق من الكلمات الفرنسية
!!!!!!!!!!!!!!
بالطبع لم أفهم شيئا فأنا بالكاد أفهم الانجيلزية
تحدثت بالانجيلزية معه
لأكتشف أني أتحدث إلى فتى فرنسي في السابعة عشر من عمره
مسيحي أرثوذكسي
تعرفت إليه وإلى أخته ذات ال13 ربيعا
وأصبحنا نتحدث في شتى الأمور
دهشت لمعرفته بالكثير من الأمور عن الإسلام
تحدثنا عن الله ورحمته
نعمه
معرفتنا بوجوده وكم هي رائعة
كانت أغلب أحادثينا عن الإسلام
فلديه صديق تونسي مسلم يحدثه عن الإسلام كثيرا
وعلى الرغم من ذلك كما يقول
فإن صديقه هذا الذي يعتبره أخاه
لم يقل له يوما
ماكسيمو لابد أن تدخل الإسلام
اليوم أخبرني بأمر أسعدني كثيرا
باح لي بحبه لفتاة فرنسية مسلمة من أصل تركي
وحين سألته كيف سيتزوجها وهو يعلم أنها لا بد أن تتزوج مسلم
أجابني :
وهل أخبرتك يوما أني لن أصبح مسلما
سألته :
وهل ستصبح مسلما لأجلها أم لأجل الله
أجاب :
لأجل الله طبعا ... لأن هذا هو طريق الصواب
وأنه فكر العام الماضي بالدخول في الإسلام
ومايزال يفكر
أهداني هذه الأغنية التي يحبها كثيرا عن الإسلام :
تخيلوا شاب في السابعة عشر
ويبحث عن الدين الصحيح
اللهم وفقه إلى طريق الصواب .... وقد خطواته إليك
وضمه لركب عبادك المؤمنين
وعدته بالدعاء له ولفتاة أحلامه
فهلا دعوتم له أيضا ؟؟

26 comments:

reem said...

الحمد لله

بجد بجد بجد انا فرحت اوىىىى ربنا يهدى كل الناس للصواب

ربنا يحميكى يااية وتحياتى ليكى على البوست اللى فرحنى جدا كعادة المدونة بتاعتك ربنا يوفقك

اعلام هادف said...

ربنا يهدي

أحمد عبد الفتاح said...

بارك الله فيكي
وجددي النية

شاويش said...

يا اية

مش عارف اقول اية

بس يارب

اننا نشوفك
زي ما انت عاوزة

ويلا بقي
اتعلمي فرنساوي

وتكلمي واعملي دعوة

ربنا معاكي

فلسطينية الهوى said...

ريم :


ربنا يكرمك يارب وأنا فرحانة جدا أنك بتتابعي المدونة بتاعتي


______________


إعلام هادف :


اللهم اهدنا جميعا


لا أدري لماذا أتلمس نبرة سخرية في دعائك ؟؟


______________


أحمد :

بارك فيكم وفينا


يارب يرزقنا الاخلاص

___________


شاويش :

اللهم آمين


أتعلم انجيلزي الاول وبعدين الفرنساوي ربنا يسهل

dr-killer said...

سبحان الله
والله الاسلام بينبع من القلب و الانسان بيحب انو يحسو
ربنا يهدي الجميع

احنا لازم نتشجع علشان نظهر الاسلام بالصورة الصحيحة بتمنى اني اكون مكانك يا فلسطينية الهوى و بتمنى الكل كمان يحصلو نفس الشي
الفرحة هاي من القلب

وضـّاح said...

جميل

هداه الله لما فيه الخير

وجزاك الله خيرا

امنية said...

ما شاء الله ولا حول ولا قوة الا بالله
سياتى اليوم الذى يعرف فيه العالم الاسلام حق معرفه
وليس كما هو معروف فى الغرب
ولن يأتى ها اليوم الا اذ حافظنا على اسلامنا
لقد ولدنا مسلمين وغيرنا لا يعرف عن الاسلام شيئا
فلازما علينا ان نعرف عنه الكثير ونوصله لهم
الحمد لله على نعمة الاسلام

mazagat said...

للأسف كثير جدا لما أتحدث مع الشباب الغربي في بعض الأحيان التي ليست كثيرة جدا أجد عندهم اهتمامات عليا جدا

ويكلمك في قضايا كبيرة حتى وإن صغر عمره وقل عمله

هذا لايمنع ان بعضهم هايف أيضا

لكن كثير منهم اهماماته كبيرة



نتمنى أن نعلو باهتماماتنا يوما


جهد موفق تقبله الله وهداه الله للإسلام




تحيات



... مزاجات

Arabian GiRl said...

وهل فعلا كان صادق..ولا حد بيشتغلك :D

فلسطينية الهوى said...

د. كيلر :

دعواتكم بس معانا

أنا كنت بكلمه النهاردة عن الحجاب وعن حب الله ... وفعلا الولد عنده حب فطري بس عايز توجيه صح


_________________


وضاح :

جزانا وإياكم


هو بجد انا مش عارفة وصل عندي ازاي


ربنا بعته :(

____________________


أمنية :


أهلا بيك في المدونة


والحمد لله فعلا على نعمة الاسلام

________________________


بلال :


هو فعلا شاب عقلية


يعني طالب وبيعمل ومعتمد على ذاته وعنده فكر


ربنا يهديه للاسلام يارب


________________________


فتاة عربية :


هو كده فعلا ومش بيشتغلني


عرفنا هو ساكن فين بالضبط


متقلقيش مش هكلم حد معرفش هو صادق ولالا

alnagar said...

يا تري ايه احساس الانسان لما يكون سبب في اضاءة الطريق لمن لم يعرفه ، احساس جميل أوي وسعادة بلا حدود مقدرش أوصفها ، اللي عاشها بس هو اللي يعرف قد ايه ان كنوز الدنيا كلها ما تساوي لحظة من لحظات السعادة دي .. يا تري احنا كلنا بنحاول ندور علي السعادة دي ولا مفهومنا للسعادة شيء تاني

BinO said...

أتمني أن تذكري سبب ترددك في نشر الموضوع
فهو مهم كالموضوع نفسه
وجزاكي الله خيراً

اعلام هادف said...

اولا انا بهنئ حضرتك انك عرفتي من مجرد حروف اني معترض علي حاجة انما والله هيا ليست سخرية انا بس معترض لو حضرتك كلمتيه لوحدك معاه فا انتوا في نفس السن تقريبا وانا اسف لو ضايقت حضرتك

فلسطينية الهوى said...

النجار :


أهلا بحضرتك في المدونة


وبالنسبة للشعور بالسعادة ... فهو حتى اللحظة لم يعلن إسلامه بس فعلا شعور بالسعادة كبير جدا

و أنا بكلمه عن حب الله ونتناقش في مواضيع تمس العقيدة وألمس تجاوب

بكون سعيدة جدا


ربنا يدله للطريق الصحيح قريبا يارب


___________________


بينو :


اهلا بحضرتك في المدونة

بالنسبة للتردد

أولا عشان هيطلع الشك والريبة وأكيد بيشتغلك والحوارات التشكيكية دي


اللي بتأثر في الواحد سلبا


وخصوصا إن اللي في موقع الحدث مش زي اللي بره


يعني أنا اللي بكلمه مش حد تاني


تانيا :


اوبس دي بنت بتكلم ولد وما ينتج عن ذلك من حديث تضيق به نفسه


ونقطة الاخلاص في العمل ايضا

وكام سبب آخر أحتفظ بيهم لنفسي :)


الاخ : اعلام هادف


أنا عشرين سنة

وهو 17


مايزال مراهق وطفل في نظري

ده اولا


تانيا :

هو مسيحي وأنا مسلمة


ثالثا :

أنا كلية إعلام يعني بصادف شباب بالعشرات يوميا


ورابعا وده الأهم

جزاكم الله خيرا لاهتمامكم

ووجهة نظر تحترم

اخ يبتغى مرضاة الله said...

السلام عليكم

اختى الكريمة ..سمعت ان حضرتك من جماعة الاخوان المسليمن..فهل ترين اختى الكريمة ان هذا التصرف يليق بفتاة مسلمة ملتزمة تبتغى مرضاة الله والجنة

وهل ترين ان هذا الوجه مشرف لجماعة الاخوان المسلمين ..دفعنى فضولى الى ان اوجه لكى سؤال ..اكان من الصعب عليكى الا تتحدثى مع هذا الشاب بالرغم من ان نيتك(والنية لا يعلمها الا الله)
كانت حسنة ..الم يكن من الافضل ان يحدثه شاب مسلم يفهمه ويتفاهم معه ..ويدعوه افضل

لاننى ارى اختى الكريمة ان ما فعلتيه لا يليق بكى..
وبالجماعة ..

والله يهدى من يشاء


ربنا يهديكى(استعينى بالله واكثرى من الاستغفار)

وارجو الا تحذفى راْيى

وهذه نصيحة لوجه الله من اخ ..

اللهم بلغت اللهم فاشهد

خطــاب said...

ربنا يوفقه

شاويش said...

خ يبتغى مرضاة الله

هو ما ان أية اخوان ولا بالموضوع هي رحت قبلت الولد

وعلي فكرة الي انت مش عارفة انها زي ما قالت كلمتة قدرا مرة او اثنين لكن ما الاخوان وما الموضوع يعني قول لو عاوز تقول ان ده سلوك مش اسلامي لكن كل حاجة اخوان غريب والله امرك

معلش ممكن انت تقصد انها كانت بكلم حد علي الماسنجر من غير ما تستاذن المسئول عنها

لا يا أية لو سمحتي مترديش او تكلمي حد من غير استاذن

والله عجيبة

AbdElRaHmaN Ayyash said...

ربنا يبعد عنه المثبطين واللي بيوقعوا الهمم و اللي بيبعدوا عن النور

فلسطينية الهوى said...

أخ يبتغي وجه الله :


أنا مش فاهمة ايه علاقة الاخوان في الموضوع

أنا آية بس

تصرفاتي لا تعني سواي


ومحدش ليه سلطة على تصرفاتي


رقابتي ذاتية

يعني مفيش علاقة للاخوان ولا غيرهم بتصرفاتي


وبعدين عذرا ايه الجرم اللي عملته ؟؟


هو أنا خرجت معاه مثلا ولا سافرت له فرنسا ؟؟


و لا مثلا بكلمه في كلام حب وغزل ؟؟

حتى لو افترضنا جدلا أننا بنحب بعض

( وخدوا بالكم من جدلا لانه مسيحي وأنا مسلمة )

هل الحب في الاسلام حرام ؟؟

مش عارفة ليه تضخيم الأمور

ووضع 20 الف حاجز لايمتون للاسلام بصلة في تعاملاتنا


حضرتك هات لي دليل واحد أن كلامي معاه حرام في حكم الشرع ويكون دليل صريح وأنا هبطل كلام معاه


الصحابيات والتابعيات اللي كانوا بيلقنوا الناس العلم

هل قالوا الأفضل رجل يقوم بذلك فسابوا التدريس والتعليم ؟؟

الدعوة إلى الإسلام ليست حكرا على الرجال وحدهم عشان حضرتك تقولي خلي ولد يكلمه


ربنا بعته لعندي وبفضل الله بقى فيه ثقة ... والانسان يقبل الكلام ممن يثق فيه


فليه ابعته لحد تاني ؟؟

مش فاهمة وجهة النظر


بعدين على ضوء كلام حضرتك

المفروض أسيب مجال الاعلام ككل مادام أغلب تعاملاتي مع شباب


وجهة نظر لا أفهمها


و أكيد مش هحذف تعليق حضرتك لان ده مش اسلوبي

__________________________

خطاب :

اللهم آمين


_____________

شاويش :


مش هستأذن في حياتي الخاصة

وده مبدأ ثابت في حياتي

_______________

عبدالرحمن :

اللهم آمين

يارب يهديه لطريق الصواب

reem said...

فى ايه هوا ايه علاقة الاخوان بكده؟ مش عارفة فى ايه؟ بس حصل خير

ربنا يوفقك يااية

حقى اهرتل said...

يامجرى ريق القلم على ورقه م الدفتر
اوعى لكلام خداع قبل الميعاد يفطر
خليه يكمل صوم لحد سبت النور
لو قش هوه ببنت بالتالته هيبصر

عبدالرحمن عياش said...

هههههه
قرأت التعليقات دلوقتي
و الله ضحكت كتير من التعليق بتاعك انك تعتبريه طفل
:):) نصيحتي متبنيش على كده
كان غيرك اشطر يا مس :)
انا معاكي ان في مبررات كتيره جدا تخلليكي تكلميه
لكن مش بينهم ابدا فرق السن
:) آي ثينك ايام رايت
سلام

فلسطينية الهوى said...

ريم :


معرفش والله


الله المستعان

__________________


حقي أهرتل :

أهلا بحضرتك في مدونتك


بس معرفناش انطباع حضرتك عن الموضوع :)

__________________


عبدالرحمن


صوابع الايد الواحدة مش زي بعض


انتا شايفه مش طفل


غيرك يشوف حاجة تانية


ومش كلنا بنكرر قدر بعض

المجاهدة said...

ربنا يهديه للخير و يفهمه الاسلام صحيحاً و يكرمه فعلأً بالصراط المستقيم لا يبتغي بيه إلا الله

:)



مش عاوزة اعلق على بقية التعليقات :d


ربنا يكرمك و يصلح الحال
:)

The Manager said...

ربنا يهديه

موضوع جيل قوى
اسعدنى جدا جدا

جزاكى الله خيرا