Saturday, June 30, 2007

كلمة مهمة

قبل مااكمل أجزاء ذكرياتي مع الاخوان
في موضوع ماذا يعني انتمائي للاخوان
عايزة أوضح حاجة
الانسان لما بيرتبط بشخص
أو يحب حد
مش بيرتبط بشخص كامل مفيهوش ولا عيب
بيرتبط بشخص فيه عيوب
بس هوا بيحبه بسبب مميزاته
فبيعمل حاجة من اتنين
يا يتأقلم مع العيوب دي ويعيش حياته متغاضي عنها متكيف معاها
او يحاول يغيرها لمميزات
وده الاصعب
هيبقى قدامه مشوار طويل وهيلاقي معارضات كتير
بس حبه للشخص ده
هو اللي هيخليه مصر انه يكون في احسن صورة
لانه عايز حبيبه أفضل انسان في الوجود
أسقطوا ده عالواقع
وهتفهموا أنا عايزة أقول ايه

10 comments:

محمد شاكر said...

كلام حضرتك صح بس مش سهل الاسقاط على الواقع
والحاره سد

Anonymous said...

اكيد مش كل واحد مليان عيوب او مزايا فقط

لازم يكون فيه الاثنين بس الواحد بيقرر زى منتى قولتى ان كان هيكمل معاه بعيوبة او لا

المهم انة كمان لازم يعرف ان كان الشخص ده هيأثر فية ولا مش هيكون فى اى اضافات فى حياتة ..

على العموم انا مبعرفش اتكلم عن طريق النت


بس كملى عشان انا بتابع

ذكرياتك.. وقولى اللى انتى شوفتية مش اللى الناس عوزاة

اسماء العـــــــريان said...

ايه احييكى على كلامك دة

ومنتظرة باقى ذكرياتك ...

وابقى عبرى يا ست هانم

just-amuslim said...

قبلة صباحية لأختي الحبيبة هنا ..
تهمس بكل رقة ..(احبك في الله)..والله يشهد !!

وأدعوك بها الى التفاعل مع مدونتنا جميعا .._مدونة البنوتة المسلمة
http://www.banateet.blogspot.com/

_فحياك الله وبياك ..ولك حرية الدعوة
لأي شخص تحبين لزيارتنا أيضا ..

فلا تتأخري رجاء ..

حبيباتك ..ولاء وجهاد

الجوزاء والصامدة

§a§a said...

كلام مظبوط ومنتظرين الباقى

Anonymous said...

أنا كمان بتابع بس مش مقتنعة إن الناس كلها ماشيه غلط و أنت اللى في السليم إنت فى الأول و الأخر بتكتبى وجهة نظرك اللى فيها تحيز لنفسك!!..نفسى إن الأجزاء القادمة تكون أكثر موضوعية لأنك برده إنسانة فيكى عيوب..ولا إيه؟؟

dr-killer said...

للاسف حبنا لاي شخص ما بيخلينا نشوف عيوبو
علشان هيك بنكدب نفسنا و بننصدم بالآخر
وحكاية انو نتعايش مع عيوبو بتبقى بجد صعبة صعبة اوي

عيلة و عايزة افهم said...

فهمتك يا اية ...

: )

فلسطينية الهوى said...

محمد شاكر :

أهلا بحضرتك في المدونة

والتنفيذ طبعا صعب

________________

مجهول :

عندك حق ... بس أنا كمان كنت بسقط كتابتي على مذكراتي

_________________

اسماء :

حاضر

__________________

ولاء :


محتاجاكي تدعيلي

__________________

صاصا :

اهلا بيك ... وان شاء الله هكمل

________________

مجهول :


اظن اني بكتب حاجة حصلت لي وأثرت فيا بشده

لا اظن ان الواحد بيلتمس الموضوعية في تاريخ حياته

لما بتتألم مش هتدور عالموضوعية

لما تتصدم مش هتدور عالموضوعية


دي ذكرياتي وبكتبها كما حدثت وشعوري بالضبط تجاه اللي حصل

________________

د . كيلر


عندك حق جدا ... وبنسد آذاننا عشان الناس التانية متقولناش على عيبوبه


__________________

عيلة وعايزة أفهم :

أهلا بيكي وفرحانة انك فهمتي قصدي

شقلبان said...

كلا م حضرتك جميل ومزبوط جدا

جميل ان الانسان يرتبط بالمبادئ والافكار العامة ويحاول ان يصلح الخلل في الفروع والشكليات والاشخاص

لكن ده كذلك لا يمنعنا من انا ممكن اللي احنا شايفينه عيوب يكون في وجهة نظر ناس تانيين كتنير مش عيوب

وممكن برده يكون عيوب فعلا كذلك لكن انا عاوز اقول عشان اقدر احدد الموضوع ده عيب فعلا لازم يكون الموضوع متعلق بالمبادئ لان الاشخاص ليسوا هم المتحدث الرسمي باسم المبادئ اللي كلنا مؤمنين بيها

ممكن يغلطوا ...وغلطهم لا يعني بالضرورة ان المبادئ العامة بها اخطاء



خلاصة اللي عاوز اقوله ان الموضوع محتاج نقاش طويل ومن خلال النقاش ده بيتضح للانسان حاجات كتير مكنتش واضحاله

ولو الحوار والنقاش ده مخدش حقه غالبا ما بتكون النتيجة التسرع في الاحكام سواء كانت هذه الاحكام سلبية او حتي ايجابية

وجزاكم الله خيرا ويارب اكون مبتفلسفش