وأما بنعمة ربك فحدث
دايما كان عمرو خالد بيقول :
أن السلف الصالح كان بيحدد 5 او 6 دعوات يدعوا بيها طول رمضان
ميجيش رمضان اللي بعده الا والدعوات دي تتحقق
كلنا حصل لينا ده في حياتنا
بس نادرا لما نفتكر
بس السنة دي شفتها بعيني
دعوة فضلت أدعيها سنة كاملة
وليلة رمضان تتحقق
بجد اد ما الدعوة اللي كنت بدعيها كانت مؤلمة لنفسي
بس ساعة لما اتحققت نسيت الألم
وكل اللي كنت بقوله :
يارب لك الحمد كما ينبغي لجلال وجهك وعظيم سلطانك
شعور رائع
شعور أبكاني
ياااااااااااااه
ربنا رحيم اوي
ربنا قريب اوي
حسيت انه أبى إني أدخل رمضان ده ودعوة رمضان اللي فاتت لم تتحقق
بجد ما قدرناه حق قدره سبحانه
رحمته ... قربه
متحسهاش إلا لما تكون وحيد .... منكسر ... مش عارف تروح فين
مالكش غيره بجد
مش قادر تحكي وتفضفض لغيره
بتروح له
تخبط على بابه وانت منكس الرأس حزنا
تقوله :
يارب محتاجلك اوي
مش قادر أكمل طريقي من غير عونك
يارب أنا محاط بناس كتير
بس محدش مطلع على قلبي غيرك
سبحانك عالم أني مقدرش أخطو خطوة من غيرك
محتاج قوتك عشان أواصل
عشان أكمل
عشان أعيش
وعلى طول تلاقي الرحمة جاية
يمكن في رسالة موبايل وانت حزين تدخل السرور على قلبك
مكالمة من حد عزيز عليك تطبطب على حزنك
دعاء جميل من ست عجوزة عديتها الشارع ... تنسيك همومك
رحمة متمثلة قدامك ... لامسها وشايفها .. ومش قادر تعبر عنها
دي رحمته وقربه منك
كل اللي عليك
ادعيه
بس
ادعيه وقول :
ياااااااااااااااااارب
15 comments:
و نعم بالله
يااااارب
سبحان الله
بالامس جلست الي جهازي
فتحت صفحة البلوجر
كتبت في العنوان " من لي سواك اللوذ به في لجة البحر البهيو الاليل "
كنت انوي ان اكتب تدوينه بها الكثير من المعاني
لكن كما قلت
سبحان الله
فاغالب معاني التدوين التي لم تظهر للحياة عندي ظهرت هنا في تدوينتك
وبرده رجعت اكتب في السياسة
شوفتوا قرف اكتر من كده ؟
يا رب
فعلا احنا محتاجينه
ومالناش حد غيره
كلماتك جميلة
وأسلوبك مؤثر
بوركتِ
واذا سالك عبادي عني فاني قريب اجيب دعوة الداع اذا دعان
هكذا ربط المولى عز وجل بين رمضان والدعاء
الدعاء مخ العبادة
بجد لما تقول يا رب حاجة كبيرة قوي
ربنا يتقبل منك يارب
بجد لو كلنا فهمنا ان ده المعنى من الدعاء
كان الوضع هيختلف
أكيد كان هيختلف
الواحد بيبقى فى معية الله لما بيقرب من ربنا
قصة الصحاب اللى قسم على الله انه يصاب بسهم فى رقبته وفى الغزوة اللى بعدها اصيب فى نفس المكان اللى شاور عليه
كان قريب اوى من ربنا
الواحد فعلا محتاج انه يبقى قريب
عشان لما يقسم عليه يبره المولى عز وجل
جزاكم الله خيرا اختنا على التذكرة
وربنا يجعلها فى ميزان حسناتكم
خطاب :
ربنا يكرمك لمرورك
________________
محمد :
ربنا يحقق لك ما تتمناه ويرزق قلبك ما تريد
___________________
أحمد :
طيب الحمد لله أنها ظهرت للحياة
عندي عندك مش فارقة
______________
بهاء :
ربنا يكرمك
____________
محمد عباس :
فعلا هو مخ العبادة
لانها اكتر عبادة بتحس فيها انك فعلا قريب من ربنا
وبينكم صلة وتواصل
جزيتم خيرا
_______________
عياش :
جزيتم خيرا
____________
بن توفيق :
أهلا بيك في المدونة
جميل جدا انه لما يقسم على ربنا يبره
بس دي محتاجة صدق كبير اوي في العلاقة مع ربنا
الواحد صعب يوصلها حاليا
وحتى لو وصلها هيفضل شايف انه موصلهاش
بفكر حضراتكم بفوازير رمضان وهي عباره عن خلق وصحابي ولا زال المجال مفتوح للإجابه عن الفوازير السابقه وبفكركم ايضا إن كل فزوره بتتحط عشر ايام يعني فزوره أول يوم حتتشال بكره...ويارب تلحأوا
علك تقرأين أول تعليق لي في آخر تعليقات عيد ميلادك
بوركت
دينامو الاخوان :
ماليش في الفوازير للاسف
________________
أحمد أبو خليل :
أهلا بحضرتك في المدونة
قرأت التعليق
وقرأت تدوينتك
ربنا يكرمك
الاحساس الاحلى واحنا بنشوف دعواتنا بتتحقق
يارب يارب
وكل ما نجرب نتقرب ربنا بيتقرب منا اكتر
دكيلر :
مرحبا بعودتك
عندك حق
من ذاق عرف
ومفيش احلى من تذوق نعمة القرب من الله
مش عارفة بجد أقولك أيه الموضوع أثر فيا قوووى ...تذكرت كم من مرة دعوت الله عز وجل وما رد دعائى ورجائى فأعادنى هذا للرجاء أن يستجب الله لى فيما تأخر من دعائى
بارك الله فيكى أختى الحبيبة
سلام عليكم
عندك حق أوي
جزاكي الله خيرا. و بجد جه في معاده أوي البوست دة
Post a Comment