Sunday, October 28, 2007

خارج نطاق الخدمة


متضايقة جدا



لأبشع درجة



مش عارفة أعبر خالص



المشكلة اني كل لما آجي أكلم حد أزعل منه



فعشان كده قررت مكلمش حد لآخر الاسبوع لحد مااعرف اوصل لنتيجة



عارفة أني مش منطقية في حاجة





بس انا واثقة اني حاليا عندي مشكلة في التواصل والتعبير



يبقى ايه فايدة اني اقابل حد او اكلمه





مفيش فايدة تماما





عارفة اني المفروض انزل الكلية



بس انا مش قادرة انزلها لاني ببساطة المفروض احط قناع الابتسام واللا مبالاة واني اكلم الناس



وانا مش قادرة ولا عايزة اكلم حد



ممكن يكون نوع من الاستسلام والضعف



بس انا قررت امنح نفسي لحظة ضعف يمكن يعقبها قوة



هيطلع حد ويقولي ده قرارك والمفروض تكوني اده وتتحملي المسئولية ومتضعفيش قدام حاجات هايفه

انا وانا باخد القرار ده مكنتش اعرف ان ده ضمن بنوده

وحقيقي البند ده فوق طاقتي الاسبوع ده والاسبوع اللي قبله


انا موقعتش عالبند ده


بس يظهر هوقع عليه مرغمة


خير

ربنا ييسر الحال ويديني القوة

9 comments:

أحمد عبد الفتاح said...

:)

وضـّاح said...

أعانك الله

الإنفراد بالنفس من حين لآخر مطلوب

ولكن تذكري أنك دائما بحاجة للتعايش مع غيرك .. فأنت خلقت هكذا

:)

Maha said...

بسم الله

السلام عليكم ورحمة الله

ربنا يفك كربك ويفرج همك

طيب

يمكن الوسم ده يطلعك من المود

reem said...

السلام عليكم

الانفراد بالنفس شىء جميل بس مش معنى الانفراد بالنفس الانعزال عن الناس اوقات كتيير لازم نفضفض على تاعبنا وممكن غيرنا يريحنا خدى بالك اننا كلنا بنمد بعض بالشحن للاستمرارية فى طريقنا ربنا يفرج همك ويقويكى يااية اتمنى انك تنفردى بنفسك ساعات مش ايام ربنا يقويكى ويعينك وييسرلك حالك وان شاء الله اقابلك فى الكلية فى اقرب وقت ممكن
ربنا معاكى

محمد شاكر said...

انا مش عارف ازاي انتي بتقولي مش عارفه تعبري عن اللي جواكي ..اش حال مكونتيش في كليه كلها تعبير (علمونا كده في الكليه بتاعتك) ..... والله انتي لو عرفتي وانا عارف انك بتعرفي تعبري عن اللي جواكي حترتاحي كتيييييييييييير جربي ومش حتندمي ..قد ايه الوحده بتزود الضيق والكرب انا مش مقتنع بنقطة ان الضعف يجي بعديه قوه انا شايف ان ده بيزود الضعف اكتر انما حاولي توجهي وحاولي تعبري أكتر

ربنا ما يجعل حارتك سد

المـ(همس)ـشاعر said...

شكرا يا يويو بجد :)

ربنا يكرمك يا رب

محمد شاكر said...

واسف كمان انا مختلف مع اللي بيقول ان القعده مع النفس ممكن تجيب نتيجه لا القعده مع النفس تجيب نتيجه لما تبقى قاعده جاده ...قاعده عشان تشوفي نقط القوه وتركزي عليها وتشوفي نقاط الضعف وتنسيها او تصلحيها انما اللي بيقعد عشان يشوف نقاط ضعفه وكربه وضيقته لازم حتزيد ومش حتحل حاجه

والحاره سد

فلسطينية الهوى said...

ربنا يكرمكم جميعا


خلصت انعزال خلاص :)

المـ(همس)ـشاعر said...

الحمد لله على السلامة يا يويو

ربنا يكرمك و يوفقك و يفرحك دايما

:)