Wednesday, November 7, 2007





مؤخرا كنت بفكر في حاجات كتير
لو إنسان اتظلم ظلم شديد
بس هو مش في ايده يجيب حقه
لانه مش عارف مين اللي ظلمه
ولان خلاص الظلم عم
ومش هيحصر الناس
هل فعلا يبقى الطناش وانه يسكت عن حقه هو الحل ؟؟

هل أنه يقول أنا هثبت العكس ده الحل ؟؟

طيب والناس اللي مش هتقدر تثبت لهم العكس

هتعمل ايه ؟؟
تستسلم ببساطة ؟؟




طيب لو انت اخدت قرار مصيري في حياتك
وبعد سنين القرار ده سبب لك مشاكل كبيرة اوي في حياتك
كسرتك .. قصمت ظهرك
لو رجع بيك الزمن هتغير قرارك ؟

هتختار طريق تاني ؟؟

طيب في لحظتك دي ممكن تغير وجهتك وهدفك ؟؟
لو انت فجأة حسيت بالتردد من سير حياتك اللي اخترته

تعمل ايه ؟؟





لو عندك مشاعر بتتضارب جواك

ومش قادر تعبر عنها

مش شايف وسيله تخرجها بيها
حاسس انها بتحطمك داخليا
بس ببساطة لو أخرجتها الناس كلها هتلومك
هتبص لك انك ضعيف .. مش اد مسئوليتك
بتتكل على غيرك

يبقى لازمتها ايه بقى مشاعرك ؟؟

لازمتها ايه انك تحس بأي حاجة ؟؟

ليه أصلا تكلم أي حد ولا تحاول أنك تعبر

كله من غير نتيجة

و الحياه اهي ماشية


مش مهم عندها هي داست على كام شخص
على رأي ماما

جبل وبيهدوه

5 comments:

Anonymous said...

يتجه لربنا ويدعيلوه

دعوة الظالم ليس لها حجاب

Anonymous said...

ولا بد من يوم مظلوم

تترد فيه المظالم

ابيض على كل مظلوم

اسود على كل ظاااااالم

وهيييييييييه

أحمد عبد القوي

بهاء said...

بالنسبة للي ظلمني
أنا ممكن أحاول أثبت له غلطه
لو ما قدرت
في شخص عزيز على قلبي جدا علمني شيء
قالي سامحه في الدنيا عشان تقتص منه يوم القيامة

بالنسبة للقرار
لو أنا اتخذته بإرادتي وقناعتي
فلو كان في مصلحتي
لكن سبب لي مشاكل
فأكيد ما راح أغيره
لكن لو اكتشفت اني غلطان
ممكن أغيره طبعا

المشاعر
هي أكيد شيء مش بإيدينا
الصح بقدر ما نقدر نخفيها
لكن في أوقات كتيرة بنكون بحاجة للفضفضة
وأكيد مش بنفضفض لأي حد

فلسطينية الهوى said...

مجهول :

ربنا عادل وهيجيب للناس حقوقهم حتى من غير سؤال

_________

احمد عبد القوي :


منتظرين اليوم ده يااحمد

________


بهاء :

ربنا يكرمك على كلامك

افادني جدا

Wish I were a Butterfly ... said...

مبدئيا انا آسفة و بشدة على تأخيري في التعليق.... بجد آسفة جدا جدا. بس... مش عارفة والله هقوللك ايه!! أنا كمان ملخبطة جدا و مش حاسة اني في حالة تخليني اساعد حد
و يمكن قررت ابعد عن كل حاجة لفترة... بس بحاول ارجع في كلامي... لأن ببساطة مش هو دة الحل

المفروض لما نحس بالظلم دة معمل ايه؟!!! ملناش غير ربنا والله
مهما حاولتي تتكلمي و مهما بحثتي حولك... هو بس اللي في ايديه الحل، و هو بس اللي المفروض نلجأله و نكون على يقين بأنه هيساعدنا جدا

مش تسألي ازاي.. انت بس الجئي لربنا بقلبك و بكل حواسك... و سيبي الباقي عليه، احنا محدودين اوي، و عمرنا ما ممكن نعرف ربنا هيساعدنا ازاي في مشاكلنا

بس أنا واثقة جدا... زي ماانا عارفة انك انت كمان اكيد واثقة.. ان ربنا هيكون جنبك. أولا لأنه مش بينسا حد اصلا، و ثانيا لأن ببساطة ربنا بينصر المظلومين دايما... و لو مش كان في الدنيا، هيكون في الآخرة

بس انت حاولي.. "حاولي" تسامحي ومش تخلي في قلبك اي حاجة لأي حد ابداااا. و ادعي ربنا و هتلاقي حاجات كتير اوي اسعدتك.. و انت مش عارفة هي جت منين اصلا

فهمتيني؟! :) آسفة جدا اني اتكلمت كتير. بس بجد جيتي على الجرح جامد

و آسفة كمان اوي اني اتأخرت. سامحيني ارجوك