Monday, March 31, 2008

ياسمينتي



من كام يوم كده ولا كام أسبوع

صديقتي العزيزة ياسمين ... قالت رأيها فيا على مدونتها الذي يتلخص في :

(
... وكله كوم والفقى كوم تاااااااااانى يويو يويتى ايه العسولة سبيس تووووون
اد الكف وتقتل مية والف ...امال ايه احنا اى نعم شلة بنات بس وحوش وبالذات آيه فعلا هى لا تتجاوز الخمسين كيلو
بس اللى يحاول يستفز عقلها او اخلاقها نهاره مطين بطين
مقولتها الشهيرة الله المستعان ودى بتبقى قبل الامتحان ...رؤوس اقلام ودى لما تسألها عملتى ايه..قدر الله وما شاء فعل ودى غالبا بعد النتيجة
بالاضافة الى ابتسامة عريضة عند رواية المصائب ...ووجه به زمبلك يعمل عن رؤية منظر مستفز فترى الانف والعينان وحواجب والفم اجتمعوا ليقروا لك ان هناك كائن خرافى يقف امامها خصوصا لو كانت بنت لابسة حاجة مش عاجباها ..فمن الاخر اللى عايزة تحتفظ بكرامتها تتلم وتلبس عدل وتبعد عن الولاد اللى ايه بتتأرف منهم (حاجة غريبة) عشان متشوفش تعبيرات ايه المضحكة وعشان احنا كمان منشتغلش يوم القيامة سيرفس فى وادى ويل اللى هيدخله كل همزة لمزة ....
بس والله بنوتة زى العسل وبحب اسمع اسمي منها جدا ...(ياسمنتى)عمرى ما سمعته من حد قبلها .... جدعنة بسمة وقلب منة ودماغ سمر وفكر وتعبيرات آيه بيخلوا يوم اي حد قشطة .... )



فيعني انا من موقعي ده بقولها شكرا يا آنسة عالتشريد

وربنا ما يحرمنا منك ولا من رسوماتك


ويعينك عليا في المحاضرات وغيره


مش عارفة من غيرك بجد كنت هعمل ايه

انتي بجد أحد أسباب حبي للكلية

انتي وبسمة ومنة وسمر

حقيقي ربنا يجمعنا معا في الجنة يارب




12 comments:

shahed 7ak said...

امين يا رب

أحمد عبد القوي said...

ربنا يخليكوا لبعض

وضـّاح said...

ياه :)

من فترة طويلة لم أقرأ في مدونتك خبر مفرح .. أو موضوع متفائل وفيه ضحك وهيصة
:D

حفظ الله أخوتكم
:)

فلسطينية الهوى said...

شاهد حق :

أسعدتنا زيارتك يا فندم

احمد :

أخبار الامتحانات ايه ؟؟

ربنا يوفقكم وشكرا عالمرور

وربنا يجمعك مع أحبتك في الجنة


وضاح :

:D

أنا قلت بلاش أعكنن عالخلق أكتر من كده بقى

نقلبها مراجيح


ربنا يكرمك للمرور والتعليق :)

أسعدني تعليقك

jessy88 said...

مرسييييي اوي يا يويو ...انتى والله انسانة جميلة وحمولة وتستاهلى كل خييييير وانا بحبك

Anonymous said...

لولا الحياء

لقلت نفسي اتعرف

بصراحة نيالك يا ياسمين

just-amuslim said...

ههههه

تحفة وان كنت مافهمتش نص الكلام

بس ضحكت لما قلت يابس

إسلام ناجح said...

:D
ربنا يخليكوا لبعض
وما يحرمكوش من بعض أبدًا
ويجمعكوا ف الجنة يا رب

كفايـة طيبـة said...

احلى وصف قرأته عليكي يااية

ده على اساس انى بقرأ فيكي وصف كل يوم :D
بس فعلا ياسمين وصفت بدقة جميلة :)

وحشتيني اوى يا يويو :(

Anonymous said...

ههههههههه
الصراحه عندك حق يايسمين على تعبيرات وجهها
لما تشوف منظر كده ولا كده

هههههههه
ربنا يكرمك بجد ياايه
وسامحيني للتقصير

بس ده حالي مع الجميع


المنسيه..

فلسطينية الهوى said...

ياسمينتي :

انتي اللي جميلة والله

وأحبك الذي أحببتني فيه

_________

غير معرفة :

أهلا بيكي يا بنوتة في المدونة

وربنا يعينها ياسمين

___________

ولاء :

أضحك الله سنك دايما

____________

إسلام ناجح :

مشرف المدونة يا فندم

وربنا يكرمك لدعائك

____________


كفاية طيبة :


منى وحشاني جدا بجد متتخيليش ازاي

يلا تعالي مصر بقى

_______________


سمية :

ماشي يا بنتي

بقى ده أنا ؟؟!!

يلا الله المستعان

KRENKEL said...

ادام الله صداقتكما ال الابد
واستجاب دعائك

ممكن تزوروا مدونتى
emhearts.blogspot.com