Tuesday, April 15, 2008

مواقف محرجة



الايام اللي فاتت حصل لي كام موقف محرج ورا بعض


خلاني مبقاش عندي دم


بس بجد بعد ما ببص لهم بفضل أضحك على نفسي


المحكمة العسكرية اللي فاتت لما أتأجل النطق بالحكم

كنت رايحة الصبح المحكمة

وراكبة الاتوبيس الاخضر ده من التحرير اللي معرفش اسمه ايه


المهم مكنش فيه مكان فكنا واقفين


فأنا كنت واقفة عند كرسي مدام كبيرة واللي الكرسي اللي قدامه راجل


وإذ فجأة الاتوبيس وقف بعد ما كان بيمشي بسرعة




وإذا بي أحلق بقى




وانتهى التحليق أني خبطت الشاب اللي جمبي ... ونزلت قاعدة على رجل الراجل اللي قدامه




كنت هعيط من الاحراج بجد




وكنت حاسة أن الاوبيس كله اتفرج عليا




ومن يومها حلفت مركبش أتوبيس مزحوم تحت أي ظرف ... لازم أقعد والا مش هركب




الموقف التاني :


كنت بصور ورق في الجامعة




في كافتيريا تخطيط عمراني

وأنا خارجة ... الجارسون داخل بصينية عليها كوباية


وأنا بعدل شنطتي راح صابعي خبط في الكوباية

ادشدشت الكوباية عالارض


وصاحب الكافتيريا قالي ... لما يكون ده بصابعك ... امال لو ايدك كنتي عملتي ايه




التالت والاخير :
حذفنا التالت حفاظا عالبرستيج




يلا الحمد لله




دي كانت آخر مصايبي




ونشوفكم في الافراح




8 comments:

محمد عباس said...

بجد الحمد لله الفضول عندي مش عالي قوي كده

بس المشكلة ان الفضول ده ساعات بيحط الواحد في مواقف بااااااااااااااايخة قوي يعني

ِِAdem El-Mahdy said...

السلام عليكم

عادى جداا و بتحصل فى احسن العائلات

ما تقفيش عندها
ياما هيحصلنا مواقف و ياما هنضحك عليها المهم اننا نستفيد من المواقف دى
و ربنا يجعلها اخر الاحزان

Nahla mahmoud said...

بسم الله الرحمن الرحيم
اللهم صلي على محمد وعلى آل محمد كما صليت على إبراهيم وعلى آل إبراهيم
السلام عليكم ورحمة الله وبركاته
ــــــــــــــــــــــــــــــــ

انا ضحكت ضحك وانا باقرأ المواقف ديه يا آية

..............

بس مش ممكن انك هتقفي تستني اتوبيس فاضي
لانك كده عمرك ما هتركبي
ولو قلتي لشاب واقف جنبك ولا حاجة بعد اذنك ابعد عني شوية يعني
يقولك ما انتوا اللي نازلين من البيت

العالم ديه مقهورة اوي مننا
ههههههههه

أحمد منتصر said...

hhhhhhhhhhhhhh

Anonymous said...

ههههههههههاااااااييي

اللهم لا شماااااااااته

تعيشي وتخدي غيرها يا حبيبتي يا يويو
ههههههه


سماااااسم

المنسيه

إسلام ناجح said...

ما يهمكيش .. كتير بتحصل
:)
هههههه
بفتكر وأضحك
امال لو ايدك كنتي عملتي ايه :D
...
بس هو إيه التالت!!؟ :)
ولا خلاص .. حفاظًا على البرستيج :)

أحمد سعيد بسيوني said...

بسم الله
الحياة مواقف
منها المفرح ومنها المحزن ومنها المحرج وغيره
تحياتي

كفايـة طيبـة said...

انا عايزة اعرف الموقف التالت

:D :D