Wednesday, April 16, 2008

يابلد ... يابلد



تحديث :


خالو ودوه سجن النطرون النهاردة


ابنه رايح يزوره قالوا له : رحلناه على سجن وادي النطرون




الضابط اللي ضرب خالو


ضربه لان خالو كانت ايده في الكلابشات وشايل الشنط بتاعته


فقال للضابط يفك الكلابشات عشان يعرف يشيل الشنط




فركل خالي برجله في بطنه




ربنا ياخدهم يارب





مش عارفة أقول ايه


ولا أتكلم فيه

أتكلم عن العسكرية امبارح
ولا الخبر اللي عرفته النهاردة


الاتنين أكدوا لي أن مصر عايشة في ظلام شديد

أحلك ساعاته

بصبر نفسي وبقولها أن بعد أحلك ساعات الليل لازم يطلع فجر

والفجر ده احنا اللي هنصنعه

العسكرية :

صحيت كالعادة الصبح عشان المفروض أكون في التحرير الساعه 7

أوصل الهايكتسب مثلا على 8 ونص تسعة بالكتير

لاقيت تلفون جايلي : آية متنزليش الحكم هيتأجل .. مفيش داعي تتعبي نفسك أكتر ماانتي تعبانة

صليت استخارة وقلت خلاص هفضل في البيت ... لاني فعلا كنت تعبانة جدا واليوم اللي قبله مقضياها في السرير

بس كنت متأكدة أن الحكم النهاردة

الساعة 9 ... آية الحكم النهاردة بس متنزليش الطريق واقف والناس اتاخدت
لبست ونزلت ... كنت في موقف العاشر الساعه 11

طول الطريق عالموبايل

مع الناس اللي هناك ... ومع واحدة صاحبتنا أخوها من المحالين لمحكمة عسكرية

طول ماانا في الطريق : احنا بنضرب ... الناس بتتاخد

ركبت للبوابة ... وقبل ربع ساعه من وصولي
اتصلوا بيا

آية وقفي الميكروباص وانزلي ارجعي العاشر

احنا كلنا رايحين نقابة المحامين

لو جيتي مش هتلاقينا وهتتاخدي

اربع اتصالات من هذا النوع ... انزلي ... انزلي حالا


رجعت النقابة

سارة الشاطر بعتت لي المحامين دخلوا لسماع الحكم

الاستاذ صبحي قالي نص ساعة والجلسة تنعقد


الساعه 2 عرفت الاحكام

طنط اتصلت بيا : عمو ضياء أخد 3 سنين
الحمد لله يا آية


كل زميلاتي في الجامعه بيتصلوا يسألوا

واللي يعرف الحكم يحصله ذهول


كلمت فاطمة بليغ


الناس منهارة بتقع عالارض من العياط

اخدوا أبناء حسن مالك

ضربوا طنط وخديجة

محدش فرحان


ابي اخد براءة وخالي 3 سنين


كلمت سارة الشاطر ... صوت بكاء والجملة الوحيدة اللي بتقولها : ادعيله كتير يا آية

رجعت البيت عرفت أن طنط جيهان تعبانة والدكتور عندها

ليها حق ... بناتها اضربوا ... زوجها 7 سنين ... ولادها اتاخدوا

النهاردة أخيرا قدرت أكلم خديجة

طنط عيانة .. ادعينا لنا .. وادعي لبابا

انا بجد متضايقة جدا اني موصلتش للمحكمة ... كان نفسي أكون هناك وسط ناس على مدار سنة ونص حبيتهم


وحسيت أنهم أعمامي وأبنائهم

ناس قمة في الصبر والثبات والايمان

أشرف ناس في مصر

أظهر الابتلاء نبل معدنهم

كل اللي أقدر أعمله .. أني أدعو لهم
__________






خالي :

النهاردة العصر عرفت الخبر

خالو أضرب عن الطعام

خالي ملازم أول ركله برجله وسبه وضربه

خالي بقاله شهرين معتقل

اخد افراج ... واترحل لمدينته
فامن الدولة قرر يستضيفه رغم الافراج

أنا مش زعلانه أن خالي .. أعز حد لقلبي بعد والدي ووالدتي ... خالي اللي بعشقه وبعتبره أبي الروحي


مش زعلانة أنه معتقل
لانها ضريبة الحرية في البلد دي

بس أنا حزينة ومتألمة

ان حتة واحد لا طلع ولا نزل

يركل خالو برجله ويضربه ويشتمه

ليه ؟؟

كان خالو ولا غيره من المعتقلين عملوا لهم ايه


دول شرفاء البلد

هل الملازم ده ... لو حد من عيلته تعب مش ممكن يوديه مستشفى دمياط اللي خالو المفروض كان يبقى مديرها


وخالو يعالجه


خالو اللي مهمته انقاذ الارواح


ليه ؟؟


حسبي الله ونعم الوكيل



13 comments:

Anonymous said...

حسبي الله ونعم الوكيل

احساس صعب وقاسي

حسيته لما السنه الي فاتت كان ممكن يتأخد بابا او باباكي في اي وقت من المكان
الي هما فيه


اعتقد ان عزائنا الوحيد
هو ان في رب ياخد حقهم
رب حرم الظلم على نفسه وعلى عباده

واظن ان الاخوان

والمسلمين عامة

مااحنا غير عابري سيبل

واظن ان الحكومه اهدتهم احسن
واقيم زاد
للعبور للاخره

والله اذا احب عبد ابتلاهم
يعني من النهايه دول هما احباب الله


تتوقعي بعد الي حصل لهم
هل لهم جزاء الا الجنه؟؟



اللهم فرجا قريبا

المنسيه..

أحمد عبد الفتاح said...

حسبنا الله ونعم الوكيل

abo malek said...

السلام عليكم

حسبنا الله ونعم الوكيل

" اصبروا وصابروا ورابطوا واتقوا الله"

"بكرة السجان راح يقلي يا سيدي"


ولن يدوم الظلم طويلا بإذن الله

ذلك وعد الله ولن يخلف الله وعده

تحياتي

Ditaur said...

Attention! See Please Here

إسلام ناجح said...

آه سبب وجيه برضو إنه يضربه!!!
يضربه بأي حق الصعلوك ده!!!؟
ربنا ينتقم من الظلمة وياخدهم كلهم

من يوم ما عرفت الأحكام ومش عارف أقول إيه

حسبنا الله وهو يتولى الصالحين

Anonymous said...

يقول رسول الله " إذا تركتم الجهاد سلط الله عليكم ذلاً لاينزعه حتى ترجعوا إلى دينكم" .

Nesreen said...

حسبنا الله ونعم الوكييييييييييييييييييل

shahed 7ak said...

حسبنا الله ونعم الوكيل

بس هو ايه ده

الدكتور سعد عماره يبقي خالك

طب ازاي؟

حالة فردية said...

أولا تصرف زى ده طبيعى جدا من ناس زى دول والحمد لله الذى لا يحمد على مكروه سواه
بس وزالله حاسس انهم باذن الله مش هيكملوا المدة دى لأن الظلم لو طال ليله لابد يوم ينهار او زى مابيقولوا الظلم يوم والحق كل يوم
احسن رد اننا نثبت ان اللى حصل ده مأثرش علينا ولكنه كتب كلمات العزاء على نظامهم
لأنه لما تسلب الحرية من صناع الحرية ويتهم بتكدير النظام العام اكتر ناس بيحبوا البلد دى
يبقى النظام الجبان ده جاب أخره معنا
انتظر اخوانك يا شاطر لن تمر سوى بعض يوم ونجدك بيننا مرفوع الرأس حرا وهم يحاكمون فى محكمة الشعب والتاريخ
اصبر وصابر ان الله مع الصابرين
رغم انى عمرى ما قابلتك يا اخويا وابويا ورمز للراجل الحر فى بلد الضياع دى بس والله بحبك فى الله وربنا يحشرنى معاك
انت واخوانك اللى معاك
وخصوصا الدكتور محمد على بشر استاذى الفاضل فك الله اسره

أحمد عبد القوي said...

الكلام مؤثر جدا
ولكن هاذا نفعل

واللي ضرب خالك ده

شل الله قدمه

وحسنا الله ونعم الوكيل

حالة فردية said...

سبحان الله العظيم
لسه قارئ كتاب اسمه سلامة الصدر اللى راجعه وقدمله كان الدكتور الاسير / محمد على بشر فك الله اسره قريبا
المؤلف وهو الدكتور طارق سليم فى الاهداء كتب الى الاسد الاسير استاذى العزيز الذى قدم لهذا الكتاب ولكنه الان خلف اسوار السجن
نعاهدك كما علمتنا الصبر والسلوان
والله كأنه يكتبها اليوم
هذه هى مصر
من فيها المسئول عن تغييب خيرة العقول خلف اسوار المعتقلات ؟؟
لا نعلم
حسبنا الله ونعم الوكيل فيهم
الله يشل اركان نظامهم الجبان

فلسطينية الهوى said...

ربنا يكرمكم جميعا

لا تنسوا المعتقلين جميعا من صالح دعائكم

وشاهد حق :

اه د . سعد عمارة يبقى خالي

لانه أخو والدتي

shahed 7ak said...

يا فندم شرف لاي حد ان يكون د/سعد خاله

بس اصل انا من دمياط واسمع عنه من زمان

وحضرتك واضح انك قاهرية

فكنت مستغرب بس

ربنا يفك اسره يا رب

ويرجعهلكوا بالسلامه