Sunday, May 25, 2008

قفيان عزيزة عليا

أعز 3 عندي في قسم صحافة
من اليمين : ياسمين
ثم منة
ثم بسمة
بعزكم مووت وانتظروا البوست القريب عنكم


من اليمين : سمر

صاحبتي اللي في حاسبات عنيها تعبانة على فكرة

فبتمنى لها الشفاء العاجل

وشكلها بعد الصورة دي هتفك الشركة اللي ما بينا

ثم يمنى

أكتر واحدة بحبها في اذاعة وتلفزيون

الشريرة دائما وأبدا

محدش يغره مظهر الهدوء اللي باين عليها

لانه الهدوء الذي يسبق العاصفة

في جملة كده مينفعش نجيب سيرة يمنى من غير ما نجيبها

كل لما اقولها انتي بقيتي شريرة

تقولي بقيت

انا اصلا شريرة .. وهندخل جهنم سوا

7 comments:

just-amuslim said...

وعزيزة علينا والله

حبيب حبيبي ..حبيبي

بس ياريت البوست الجاي يبقى

(وشوش عزيزة علينا

:)

فلسطينية الهوى said...

مقدرش انزلهم ياولاء

الوشوش دي لو ظهرت هتعمل فتنة وانقلاب في البلد

مراعاة لمشاعر الناس مش هننزلها

jessy88 said...

قفايااااااااااااااا ....انا يا جماعة ام قفا اسود فى تركواز ايه رأيكم قمرررر ياختى عليا اسم الله حارصنى وصاينى ايه يا ايه مش خايفة تسببي فتنة للشباب تلت قفيان كل قفا انقح من التانى امال فين قفاكى؟؟ولا خفتى حد يضربك ؟؟؟؟؟

mesh2dra said...

الصورة دي اتاخدت لناامتى

ههههههههههههههه

مش قادرة امسك نفسي من الضحك

مش عارفة اعلق يا ايه

حتى عنوان البوست يفطس من الضحك





بس ياريت البوست الجاي يبقى

(وشوش عزيزة علينا

مقدرش انزلهم ياولاء

الوشوش دي لو ظهرت هتعمل فتنة وانقلاب في البلد

مراعاة لمشاعر الناس مش هننزلها


بصي يا آيه
قالوا ف الامثال
يوم لك ويوم عليك

عارفة يا آيه لو نزلتى بقية الصور حعلقك واخلي مخك الشرير يسيح :DDD


احنا ممكن نستغل الفرصة ونحلل شخصية كل واحدة من قفاها .. اقصد من وقفتها

الاولى : ياسمين
وقفة منحنية على رجل ونصف
وبتبص ف الارض
دليل على القهر والمعاناة
اللون التركواز دليل على كثرة التفكير في السماء والسحاب .. صحيح السماء لبني .. بس حاجة من ريحة الازرق
وكثرة التفكير ف السماء دليل على انها شخصية كئيبة بتفكر ف الموت كتير .. متفهميش ايه العلاقة .. بس هى كده

الثانية :
منه
بتبص على حاجة مش واضحة .. سرحانةومش مركزة ومالهاش هدف
اللون الرمادي دليل على الوسطية والحيرة النفسية اللي بتمر بيها
حاجة كده وسط بين التفاءل " الابيض" والكآبه " الاسود" بس اللي اقدر اقوله انه رمادي غامق بمعنى انها تميل الي الكآبه بشكل اكتر :D

الثالثة :
مبحبش اتكلم عن نفسي :D
بس حقولك الخلاصة
البلاك اند وايت دليل على ان الحياة يا اما فحلقي يا ابيض
معنديش وسط
وبعانى من التطرف في التفكير
والشنطة اللي على ضهري دليل على انى محملة بالاعباء الثقيلة :dd

الخلاصة والملاحظة الاخيرة
ان كلنا بنشترك ف لون واحد
الاســــــــــــــــــود
وده بيعبر عن الواقع الرمادي اللي بنعيشه

الحد لله انها قفيان
احممدك يااارب

jessy88 said...

مش قدرة:
اسمحيلي يا ايه ارد عليها فى مدونتك وسعى انتى كدة على جنب...انتى يا بت يا كئيبة يا بتاعة الاسود انتى هتعمليلي نفسك فرويد ...موت ايه كأبة ايه اهدى وخليكي ريلاكس وابعتى للدنيا فاكس او ايميل...وليه متقوليش دةاستعداد للامتحان,
الاولى:
شكلها كدة ناوية على نية سودة للامتحان ....والتركواز دليل على عمق الاجابةالمؤلفة اللى هى ناوية عليهاا (ال يعنى)
اما منة فالرمادى دة دليل على المدرسة او الاجابة النموذجية فى الامتحان والاخيرة بقي الست بسمة بالابيض واسود دة دليل على انها السؤال الحلو هتحله والوحش مش هتحله اصلا

قررت أكون عانس said...

انا اصلا شريرة .. وهندخل جهنم سوا

معلش معلش معلش اعترف انى احيانا بكون شريرة بس موضوع هندخل سوا دى لا انا دايما بقول هتدخلى جهنم لوحدك

عمرو النوبى said...

جميل اوى ان يكون عندنا اصحاب بنحبهم للدرجة دى

البوست جميل وكلامك عليهم مع انو فية شريرة وكده بس بيدل انك بتحبيهم بجد
ربنا يخليكم لبعض ويديم عليكم المحبة

تحياتى
رئيس جمهورية اسوان العربية