Tuesday, December 30, 2008

اتفو


لأول مرة أحس بالعار والخجل من كوني مصرية

حاسة بعار كبير لا يختفي أبدا

لأني مصرية

وأن باسمي

الزفت مبارك وأعوانه

بيقتلوا غزة

بيشاركوا في قتلها

بيحاصروها

بينتقموا منها

أنا حاسة بالعار

أني لما أحاول أقول للعالم أنا مش راضية عن موقف حكومتي

تضربني وتعتقل زمايلي

شالوهم من الأرض

6 بلطجية شالوه وجريوا بيه عالترحيلات

حاسة بالقهر والظلم

حاسة بالقرف

بالقرف من شعب سلبي

من حكومة زبالة

من ناس كل همها وسط المجزرة والمذبحة دي

تلقي اللوم على الجميع ماعدا نفسها

أيام حرب لبنان وجدنا الحجة المناسبة

أصل حزب الله شيعه مينفعش نتضامن مع الشيعه

سبناهم يموتوا قدامنا وأرضينا ضميرنا

أصلهم شيعه

نسينا أنهم مسلمين أولا وأناس ثانيا

دلوقتي غزة تحت النار

غزة تباد

لاقينا بردوا الحجة

أصل حماس بنت ستين في سبعين

حماس وحشة

حماس سياستها هي اللي وصلت فلسطين لده

حماس .. حماس .. حماس

حماس اللي قتلت الشرطي المصري اللي عالمعبر اللي منع الفلسطينين يدخلوا رفح

أصل ينفع مثلا ندخلهم رفح

أمننا هيحصل له حاجة

لو دخلناهم رفح

هيسيبوا غزة لاسرائيل

دي بلدهم والمفروض يدافعوا عنها واحنا نتفرج

نتفرج على 40 طفل ماتوا

على 400 شهيد دمهم راح ببلاش بسببنا

2000 جريح

هيقفوا يوم القيامة يقولوا لربنا دول اللي سابونا ننجرح ونعاني ونموت

لأنهم كانوا خايفين على نفسهم

خايفين يقولوا لا

قاعدين في البيت بيشربوا كاكاو سخن

ويتفرجوا عالتلفزيون .. يشوفوا الناس بتموت

بعدين يقرروا

حماس هي السبب

حماس بنت ...

حماس وهي تحت الحصار

معرفتش تصنع أسلحة جامدة تضرب بيها إسرائيل

حماس منظمة كارتونية ملعونة

حماس والجهاد والشعبية وفتح المقاومة

يستاهلوا اللي بيجرالهم حد قالهم يقاوموا

السلام هو الحل

السادات حفظ دماء مصر لما وقع السلام مع اسرائيل


ويطفوا التلفزيون ويقوموا ولا كأن في شهداء ماتوا


هي مش حكومة عايزة الحرق بس

ده شعب عايز حد يولع فيه بجاز

4 comments:

AbdElRaHmaN Ayyash said...

مش عارف اقول ايه
انا فعلا محرج جدا .. بس مش لكوني مصريا .. بس لوجود هذا النظام الحقير على رأس الدولة اللي انا بعيش فيها
لكن ... عندي أمل !

Anonymous said...

ربنا ينتقم من كل وضع مصر في الوضع ده والصورة دي

عشنا لليوم اللي نشوف فيه ليفني تتوعد حماس من قاهرة المعز

وجيه علينا وقت تيجي فيه الشعوب العربية تقتحم سفاراتنا عندهم زي ما حصل في عدن النهاردة

ولسة اللي يعيش ياما هيشوف

Hoooda said...

مش معاكي اطلاقا
احنا اصلا الحكومة دي مبتمثلناش ولا بتمثل مصر
والحمدلله الشعب المصري طول عمرو واقف مع القضية الفلسطينية
ليه نخجل من مصر؟؟
احنا نخجل من الحكومة اللي خذلتنا قبل ما تخذلهم

عاشقه الاقصى said...

عارفه احنا شعب مش عارفه أوصفه بأيه

سلبى بالنسبه ليه مدح

رخييييييييص اووى

لما يشوف مصرى اهوه زيه عشان بيقول كلمه حق دون اى اعتداء يتبهدل من ايد واحد ملوش اى لازمه فى الحياه

حاجه تخنق اه
حاجه تقرف


بس والله والله

النصر قرب اوى

لان الليل طول اوى

ولازم فجر يجيى

وبس