Saturday, September 5, 2009

22


النهاردة قفلت صفحة سنة من عمري

وكتابها راح خلاص الخزانة ومش هيرجع تاني

ببص للي حصل السنة اللي فاتت
أحداث كتير جدا يمكن كانت أصعب سنة عشتها لحد دلوقتي
بكل المقاييس البشرية
بداية

بأحداث غزة

وبعدها اصابة أختي بسرطان نادر وخطير جدا

ورحلة صراع طويلة مع المرض

وبعدها زوجة خالي

ثم وفاة خالتي

وبعدها وفاة والدة صاحبتي

غير ابتلاء شديد منيت به في نفسي طول السنة اللي فاتت

حقيقي كانت سنة صعبة جدا

بس رحمة ربنا انه لما بيحطنا في مواقف صعبة
بيثبنا ويصبرنا من عنده

نفوسنا بتطلع بعدها مختلفة كتير عن الاول

حاجات بتروح مننا للأبد

وحاجات بنكتسبها معانا

بيبعت لنا الفرج من وسط المحنة

يخلينا نقابل ناس

فضلنا طول حياتنا نحلم اننا نقابلهم

بيدينا دفعة جديدة لقدام

ببص عالسنة اللي فاتت

وببص على سنة جديدة جاية

وبدايتها في رمضان

وبتمنى أنها يارب تكون أجمل وأحلى

وإني أكون فيها شخص استفاد من سنينه اللي فاتت

واني في سني ده ربنا يعتقني من النار


6 comments:

يا خوف فؤادي من غدي said...

بداية اطلب لاختك الشفاء بادن الله تعالى انه مجيب الدعاء
واطلب من الله ان يجعل غدك خيرا من يومك ان شاء الله
عيد ميلاد سعيد
افتحي صفحة جديدة وتجاوزي احزان الماضي لكي تستطيعي ان تعيشي المستقبل
الدي اتمناه لك سعيدا ان شاء الله
مع تحياتي

أحمد سعيد بسيوني said...

بسم الله

كل عام وانتم بخير والى الله اقرب وعلى طاعته ادوم

يسر الله اموركم وجعلها سنة سعيدة عليكم

دمتم بخير

ضكتور جدا said...

السلام عليكم
ان شاء الله السنة دي تكون أحسن سنة
ورمضان كريم

blue-wave said...

معلش
هيا الدنيا كدا
افراح واحزان
وربنا يصبرنا عليها
وكل سنه وانتى طيبه

mahasen saber said...

يا حبيبتى الف لا بأس على اختك ..ربنا يعافيها ان شاء الله

والبقاء لله وحده فى من مات

ان شاء الله ربنا يصلحلك كل امورك ويفرح قلبك ان شاء الله

Anonymous said...

اختي فلسطينية الهوي
ربنا يصبرك علي ماابتلاك ولاتنسي انما يوفي الصابرون أجرهم بغير حساب..انا ماهيتاب فلسطينة الأصل والهوي أيضآ وحابة كتير اتعرف عليكى بس مش عارفة ازاي اوصلك انت لو عالفيس بوك هتلاقيني بإسم mahy alqedra