Tuesday, November 3, 2009

نفسك تحج ؟



نفسك تحج ؟؟ نفسك تعمل عمرة ؟؟

تتمنى تشوف الكعبة ؟؟ او تزور النبي صلى الله عليه وسلم ؟؟

مفيش مسلم تسأله السؤال ده ويكون عنده تردد فالاجابة

ناس بالملايين بتفضل طول حياتها تجمع فلوس عشان تشوف الكعبة ولو مرة

أعظم هدية تديها لحد وتشوف دموعه بترد عليك ويفضل طول حياته يدعيلك

انك تطلعه يحج

شيء فطري جوانا بيدفعنا لحب الحرم

بنلبي دعوة سيدنا ابراهيم بقلوب مشتاقة دائما

اسأل أي انسان عن شعوره اول ما شاف الكعبة

شعور ميقدرش يوصفه

بيفضل فاكره طول حياته

ساكن جوا قلبه

شعور الهيبة والجلال والخشوع

شعوره لما يدخل الحرم النبوي

يقبل للسلام على رسول الله

شعور بيخلد في ذكراه مهما ابتعد عن ربنا ومهما لف في الدنيا

مسجدين عند المسلمين كلهم .. امنيتهم يشوفوه

حتى لو عصاة غارقين فالمعصية

بيروحوا هناك طلبا للتخفف من الاحمال الثقيلة اللي شايلينها

ده الشعور الطبيعي ناحية الحرم

طيب

نعيد السؤال

نفسك تحج ؟؟

نفسك تعمل عمرة ؟؟

نفسك تزور النبي صلى الله عليه وسلم ؟؟

نفسك تصلي في مسرى النبي ؟؟

2 comments:

AbdElRaHmaN Ayyash said...

جميل اوي اوي اوي المعنى ده
جميل جدا جدا جدا
السؤال لازم يتجاوب عليه مع بعضه
و مينفعش واحد يجاوب على نص و يسيب نص
بجد ربنا يكرمك يا آية
حلو بجد

سامر محمد عرموش said...

الاخت الكريمة
شكرا على الموضوع الطيب وربنا ييسر حج بيته لكل المسلمين
والله لشيء جميل ورائع حج بيته لا يمكن وصفه ومن جربه مرة يحب ان يكرر اكثر من مرة والحمد لله اكرمني الله بزيارة بيته انا وزوجتي من خمس سنين وربنا يطعمنا زيارته كمان وكمان وكل السامعين
تحياتي