Monday, January 10, 2011

بخرف


أنا مش عارفة
غالبا دي شوية تخاريف كما العادة
وحاجات ملهاش دعوة ببعض

شعور انك تفقد هويتك
انك تبقى بينك وبين تحولك لشخص آخر شعرة
بتفكر تقطعها ولا تتركها
مش عارف هتبقى مين
اللي انت عارفه اكيد انك مش هتبقى نفسك

هتبطل تكون شخص تعرفه
الجاي أجمل ؟؟
يمكن
هو أكيد أحسن من اللي فات

ايه الاجمل ؟؟
مش عارفة
غالبا ممكن منوصلوش في كل حياتنا
وممكن منشوفوش

بنتعلق بطوق نجاة
شايفينه اللي هيغير حياتنا فعلا
هياخدنا لحياة أقل ألما
بس الطوق بيفلتنا من غير علمه
أو بعلمه
احنا بس اللي متمسكين بيه بقوة
هو مش متمسك
هو المفروض يكون متمسك ؟ هو طوق نجاة
مين فينا اللي يتمسك بالتاني ؟؟
مش عارفة

الألم أحيانا بيلغي كل أحاسيسنا
بيخلينا متبلدين
مش حاسين بأي حاجة
غير خناجر متتالية تطعن في القلب بصمت
حتى الطعن ألفناه
مش بنستغربه
بقى شيء معتاد

نهرب لفين من قلوبنا
كيف نتخلص منها
نوديها فين عشان نرتاح
ليه هي دائما تنبض وتنبض وتنبض ؟

ليه كل هذا الصخب والشجن والشوق والألم ؟

نفسي أرتاح
ونفسي أفرح

يارب أفرح